魚眾不同酸菜魚 (天一商場)

营业中

休息中

其实本人一直都好仲意食酸菜鱼，所以知道商场新开左间专食酸菜鱼嘅餐厅鱼众不同就即刻忍唔住一试。餐单嘅食物选择种类唔算多，价钱都算系街坊价，通常都系叫一种款式免费配两种配料例如金菇豆腐薯仔等等再送一碗白饭，如果本身比较细食既话，我就建议叫一款酸菜鱼再加钱追加一碗白饭，因为对于细食嘅人黎讲，呢到既酸菜鱼虽然话系一人份量，但始终系有d大份。餐厅员工嘅服务态度好好，会同你主动推荐番有咩啱食，如果你系惊食辣嘅佢亦会好贴心禁推荐番唔辣蕃茄汤比你，不过有时亦会出现漏单既情况。个人觉得呢到d酸菜鱼适合一d钟意食鱼但唔钟意成日要挑d鱼骨出嚟嘅人，因为呢度啲酸菜鱼全部都系采用冇骨嘅鱼肉（应该系冰鲜鱼柳？），不过鱼肉嘅份量就有d少，主要都系配料同汤多，d汤本身嘅味好足，对于一d唔食得辣嘅人嚟讲，呢度嘅酸菜鱼就有一定嘅挑战性，因为真系会好辣，不过整体味道都算唔错。