龍華軒咖啡室 (已結業)

相信呢个鸡翼放题应该好多人都听过，今次同啲朋友第一次去试。佢位置系喺旺角后巷一个商业中心上去，上到去全层都系佢既。就感觉都系好似普通旺角嘅一啲特色Cafe，只不过佢就冇得玩board game。鸡翼佢有四种味俾你拣，一开始𠮶round全部每样味两只人头计。仲有蜜糖蒜香椒盐同香草，四只味都试晒。我地𠮶枱平均女仔食到20只男仔食到26只到都好够。我哋冇叫其他嘢净系食鸡翼。个人认为得蜜糖同埋香草值得食，其他都比较淡。因为佢嘅煮法系炸晒所有鸡翼然之后喺上面落调味料，所以基本上除咗调味料唔一样其他全部都系一样。如果好钟意食鸡翼嘅呢一间都值得一试因为都好抵！