華記滋味小食 (界限街)

营业中

休息中

行街经过见到有卤水汤底既车仔面有啲特别就入左去一试! 位置位于太子地铁站行5分钟左右地方尚算方便不过佢由旧舖搬咗去对面嘅新舖，本来系界限街27号搬咗去对面界限街34号。新铺装修比较大光猛，门口有温度测量计！员工比较有礼貌落单快，招呼尚算好，我哋叫左个2𩠌：猪肠同猪肚，米粉（牛腩汤底）同一碗猪什粗面 (卤水汤底）。可选多葱或多芫荽唔钟意芫荽嘅朋友亦可走芫荽，卤水汤底香浓入味，猪肚比较爽口，猪肠大件入味，萝卜煮得够淋入味无渣，两碗车仔面都好足料，食完晒碗面都仲有𩠌净而家喺香港都好少见到，不过饮品比较少只有豆浆汽水同绿茶，无茶餐厅嘅冻柠茶或冻奶茶选择，出菜时间都比较快大约5分钟左右就可以品尝到美食如果赶时间嘅你就系一个最好嘅选择，门口有车位可以暂时停泊外卖朋友不用担心抄牌问题！揸电单车嘅朋友更加可以连群结队摆喺门口入去试一试！值得一试！