海街丼 (E-Max) (已結業)

咁岩lunch时间系九展，发现到哩间系地牢嘅丼饭专门店，search过平时应该好多人，但今次1230竟然唔驶排队，即刻试下！ 【是日厨师精选-赤身，中拖罗，日本海胆丼】HKD170 成个set有味噌汤，前菜日式冻辣蕃茄，丼饭同埋一碟仔啫喱咁嘅物体，再加埋杯冻绿茶。 味噌汤正常好味。 日式冻辣蕃茄好有惊喜。我本身唔食生蕃茄，但朋友食完话好好食，搞到我好好奇试一试，点知真系好食！完全冇我接受唔到嘅生蕃茄草青味，少少酸酸辣辣，系似地狱拉面果种辣味。仲有蕃茄嘅爽口，好开胃。 丼饭嘅鱼生好新鲜。赤身实净鱼味浓，中拖罗有油香，海胆鲜甜，完全冇苦味。仲有玉子同三文鱼籽。捞埋生磨嘅山葵，正。个饭份量几大，但本身系热饭，一开始食落冇寿司醋嘅味，我仲谂点解咁奇怪。再试一试果碟啫喱仔，酸到入唔到口。睇返本menu,原来系寿司醋果冻嚟。跟返个人口味捞入个饭度食，成个观感fit晒。 食完饮埋杯冻绿茶。舖面环境舒服，虽然灯光暗少少，但坐得都几松动，仲有bar枱位，好有气氛。有兴趣黎食最好都系订位先。