SP Flower & Tea Room (太古城中心) (已結業)

一般tea set都系出现酒店或某些有靓装同靓景嘅餐厅，SP Flower & Tea room虽然冇呢个卖点，但佢哋价钱真系较为亲民，经openrice更有特价，2人同行都系$338， 再加10%服务费。Tea set有八件，5款甜点和3款咸点，更有一份饮品，打咭嘅当然识点花茶，大大壶花茶，仲可以加水，真系可以再坐一回。Tea set个托盘很古色古香，加埋花茶，很是清幽风雅。咸点有迷你汉堡，烟三文鱼挞，西班牙火腿蝴蝶酥。甜点有两件小蛋糕，虽然唔知系咩名堂，有花形，有啫喱在上面，但几得意。因为绿茶控関系，所以最欣赏件绿茶草饼，味道非常好，仲有脆米在内，咬到卜卜声。最后仲有件有cream嘅蛋糕同杯啫喱。份量不多，但胜在跟朋友聚聚，有得坐，有得倾，有得食，仲有得打咭，真系非常好的一次。