鐵板王 (已結業)

记得上次嚟到嘅时候，店舖仲未开门，无缘一试，今次行过，点都要试吓 ...餐厅环境幽暗，冇咩特别装修，时间尚早，冇咩人，于是随便拣个位就坐低 ...枱面上已经备有餐牌，餐厅有扒餐、焗饭等供应，但嚟到铁板王，始终想一试至爱嘅铁板餐 ...order咗一份龙脷柳/鸡扒拼薯菜，再加多客法式田螺 ... 铁板餐当然少不了餐汤 & 餐包，但自问对此无甚要求，所以不提也罢 ... 先嚟到嘅系法式田螺，上桌时，"滋滋"作响，可想而知几咁热辣辣 ... 正如传闻所讲，好味道，田螺肉爽口弹牙，美中不足嘅系薯蓉味道啖咗啲 ... 主角上场，$45 一份铁板餐，份量 OK，龙脷柳煎得香口，切切吓，溅出汁嚟，谂唔到鱼柳都可以咁 juicy .. 鸡扒嘛，同样皮脆肉滑 ... 谂唔到嘅系，平日食铁板餐，薯条多数都淋哂，似食薯蓉，今次嘅薯条，食到尾都系脆嘅，而且系长长嘅波浪纹薯条，配菜方面，都处理得唔错噃 ... 呢个时候，认真要表扬吓一位侍应，由 take order 开始，都好有礼貌、好殷勤，抵赞架，食到 last，见你仲未嗌嘢饮，都会提提你，佢唔讲，我可能真系会忘记 ... 除非响酒店啦，否则 ... 呢种服