重慶洪鼎火鍋 (已結業)

阿sir请食饭，梗系要揾间似样啲嘅地方，食餐好嘅!收工成班同事约好去呢间 “洪鼎火锅”， 好彩我哋有订枱，因为闲日时间都好多客人捧场，迟咗就要等枱了!我们点了盛肉拼盘，卖相很精致，有美国安格斯小牛排，安格斯牛板腱，纽西兰羊肉片，西班牙黑毛猪。黑毛猪堆砌成一朵花一样，而且颜色微微粉红，真系十分之吸精!我最喜欢就系安格斯小牛排同埋牛板腱，颜色鲜艳，肉纹分明，入口肉汁丰富，充满牛肉嘅味道。黑毛猪肉入口又是另一个味道，黑毛猪真系十分嫩滑同普通猪肉好大分别。纽西兰羊肉，完全没有骚味嘅感觉，反而更加突出微微嘅羊肉味。鸭血及黑牛柏叶都系必点嘅火锅配料，喜欢食辣嘅我，呢度有齐自助嘅唔同配料，新鲜嘅紫天椒豉油配合传统嘅重庆四宝真系绝佳配搭!青菜拼盘，有白菜仔，娃娃菜同埋唐生菜，颜色都很翠绿，清洗得亦算干净。海鲜拼盘有大虾，鲍鱼，贵妃蚌，石蚌鱼， 材料十分新鲜，尤其是鲍鱼真系好厚肉，必食推介!