喜來稀肉 (登龍街)

营业中

休息中

又到我同好姊妹既生日月。虽然喜来稀肉唔系第一次食，但唔想生日正日食到伏野扫兴。所以都系拣返有信心保证既餐厅。钟意呢到灯光暗暗，有气氛。食物价格亲民又高质，菜单最贵𠮶款烧肉都系讲紧二百几蚊，仲要份量好多。食烧肉最钟意就系食多脂肪既部位，烧完既脂肪特别香口。今次拣既两款肉，一牛一猪，都系我最爱既五花部位。五花肉位于腹部脂肪丰满既部分， 肉质柔嫩，肥瘦相间。即使我地成挂住倾计烧过龙都唔会鞋口。肉够嫩，味够香。秘制腌料味道甜甜地，岩哂我口味。喜来韩豚五花肉生菜任食， 值得一赞系生菜每次放系自助bar 数量唔多。冇哂，职员好快会再refill，所以感觉干净又新鲜。配菜同样都系自助bar任食任拎，有麻油豆芽，芝麻海带 ，腌萝卜同一定唔少得既泡菜。泡菜味道够哂辣，夹住腌萝卜配烧肉，超好味。炸酱面有惊喜，面质够弹牙。最重要系味道唔会太重口味，捞埋配菜荷包蛋同青瓜，味道好fresh好夹。蟹籽紫菜饭团睇菜单就细细份，估唔到实物系咁大碟。剩系睇相都唔洗多讲，足料抵食。最后值得一提，呢到职员做野好爽快，又helpful。个炉板烧㶶咗，职员好自动自觉帮忙更换。