德國餐廳 (已搬遷) 新店位置

我依D无饭煮妇，每日放工最伤脑筋就系谂食咩，今日反正要去接个fd收工就系个区食，边行边睇见到有优惠咪入去试吓， 睇完个menu见到德国猪手制作方法咁细心... 又话招牌菜就叫只猪手，一份三文鱼香草意粉，爱饮番杯嘅我又点会忍到唔饮啤酒食得德国菜就配番杯黑啤贪佢带少少苦兼带少少咖啡香味爽呀。个猪手一上枱就有阵阵香味扑入，影完相就即攞个皮嚟试一试，真系估唔到除咗脆之外又唔肥腻好似食紧薯片咁，再配埋佢哋个 芥末蜜糖酱甜甜的好野味，而个猪手肉系好软淋淋，而个配菜薯仔沙律都相当唔错，一啖猪手一啖酒简直绝配，个香草三文鱼意粉香草味浓唔会煮到好油当中仲有新鲜车厘茄带少少酸酸甜甜都几好，下次要试埋个德国肠仔同其他前菜。