大廚小館 (已結業)

之前同同事一齐食过呢间开张不久嘅新派中菜餐厅，食嘅只系餐牌上嘅大路菜色但已食得出大厨好有Heart。之后更知道原来可以预订餐牌以外嘅菜色。所以今次圣诞节约埋一班朋友去再试。杏汁猪肺汤 - 好味，连平时唔like杏仁味嘅老婆大人都成碗队哂仲咀淋淋。 预订嘅乞衣鸡 - 卖相吸引外，味道仲有惊喜！鸡肉嫩滑外，仲有阵阵荷叶香味。再加上其他配料例如云耳红枣，又香又有口感！天王酱炒菜心 - 唔错，自家制嘅天王酱比一般XO酱辣小小但较野味。当日厨师推介炆龙趸腩 - 啖啖弹牙鱼肉好鲜味外，我反而觉得腐竹吸哂啲汁又滑又浓味，正！ 花雕蛋白蒸奄仔蟹（预订）- 呢个系我指定要翻食嘅菜色。啲蛋白好滑加上蟹味，送饭一流。如果拣只结实肉蟹应该更加Pefect!生炒骨 - 又系食出大厨功架嘅菜色，正！生炒糯米饭 - 虽然餐牌上有，但系每日限量的。好彩订枱时指明要预留，如果唔系就失色不小！朋友都赞糯米饭系全晚最最最好味！唔油之外仲好足料，好香腊味嘅味道！其待下次再试其他𩠌菜！