鍋心粥底火鍋 (世宙3座) (已結業)

作为一个中意食海鲜又中意打边炉嘅Foodie 每次只要天气冻少少 就会谂起锅心粥底火锅🍲数数手指今次已经系第三次光顾啦😌每份套餐都系2人份量 仲要免加一 超一抵食🙌🏻🔸肉蟹+沙白蚬+自选5款海鲜 HKD218今次拣咗粥水做底 绝对可以食到海鲜嘅鲜味🤤海鲜就拣咗鲍鱼/海虾/花甲/大尾鱿/贵妃蚌/刀贝座位旁边有个牌写住煮每样海鲜嘅最佳时间 只要用timer count住就可以了最惊喜系海虾每只都跳跳扎㗎！沙白蚬同花甲粒粒都饱满！肉蟹多肉之余肉质仲非常鲜甜！食晒海鲜之后就可以自选8款火锅配料火锅配料比之前仲要多咗 真系眼花撩乱今次拣咗自家制手打马蹄鸡滑/自家制手打准山鸡软骨丸/肥牛/猪梅头片/汕头牛丸/花胶仔/农场鸡件/鱼皮饺自家制系列系喺坊间揾唔到嘅配料口感弹牙 味道特别 值得一试肥牛同猪梅头属于肥瘦适中 肥牛肉味浓 系高品质嘅配料汕头牛丸有惊喜 咬落超juicy 配料食到差唔多 店员会嚟帮手预备煮粥首先将粟米 芋头粒 南瓜粒煮腍再压至半溶状态 店员仲会问客人想要杰粥定稀粥由于粥底本身已经有海鲜甜味 再落埋芫荽 菜莆 猪油渣 令每一啖味道丰富之余更加有口感个人觉得 个粥一定要热住食先至食至