南記飯店 (已結業)

早几日有事到九龙城，每次来这头都系食泰国菜，今次就转转口味食潮州菜，上这里找找，看这间的食评几好，就决定来试试。我们叫了个二人世界餐，包括有潮州咸鸡(例)、咸菜胡椒猪肚汤(小)、家乡炒鱼面、潮州芥菜和甜品。潮州咸鸡(例) - 一向唔多喜欢冻食，但这只鸡，冻食都唔差，鸡肉唔韧，还带有点点鸡味，肥膏唔多，再加上酱汁就更加好味；难怪差不多每一都有叫。咸菜胡椒猪肚汤(小) - 胡椒味几香，但唔够浓，如可以再浓一点，就更好了。家乡炒鱼面- 鱼面几有咬口又好味，但放面的几只虾就差，唔新鲜又腍，食半只便放弃了。明知道这样炒一定会好油，但又真系唔少。潮州芥菜- 芥菜一向唔多喜欢，因怕它的苦味，所以只食了少许。甜品- 绿豆沙，煲得都几腍，又唔会太甜，可惜绿豆偏少；但在食店来说，已算好的了。食物都算几好，价钱又唔贵，值得再来帮衬。