海南少爺 (已結業)

已经系第二次帮衬呢度！上一次系假期同班朋友食晏，今次就自己食晚饭。两次叫啲菜式都唔同，但大部份都好味道。其中好食嘅有香脆嘅玉子豆腐，件玉子豆腐外脆、内软，个汁亦好好味。士多啤呢排骨亦都好，个士多啤呢汁好香，排骨又唔肥。仲有三款「邓」汤，无味精，又滋润。反而啲海南鸡就一般，不过无计，冰鲜鸡呢讲算系咁。好彩碗鸡饭几好味，仲有另一个特别嘅选择，就系海南鸡汤饭。碟鸡同汤饭分开上，个汤饭有好香嘅椰子味，将啲鸡肉放埋入去一阵，啲鸡肉暖咗亦有啲汤汁就更好味！唯一美中不足就系菜式选择唔算太多，不过耐唔耐食餐就无问题。