牛陣 (卓爾廣場)

营业中

休息中

今日放假又咁啱去开附近，所以试下。我去到大约中午12:00左右，客唔多，连我只有两枱。职员殷切地介绍各种餐类，因为冇食野好肚饿，所以选了放题。而要特别汤只需加5元，比起不少火锅店都便宜。环境十分整，食具眼见都系干净雪白冇污积。食物新鲜，豚肉嫩滑。自助吧食物比同类型餐厅为多，有苟蒻、芋丝、乌冬、白鱼蛋、贡丸、墨丸，菜有残忍娃娃菜、生菜、翡翠苗、大豆芽、羽衣甘蓝、生菜，仲有粉、面、乌冬，同好似自家制菜汁面条。熟食有薯角同关东煮。酱油调味亦多款式，有鱼做酱油、有菇菌酱油，仲有我爱花椒油……更有18禁辣油，只需一两滴就辣味充足。（我钟意辣但又食唔到好辣，嗜辣者可多加）仲有饮品同雪糕。只系我太饿冇影相！另一必需一赞系职员既工作态度，客唔多时，有位姐姐侍应攞百洁布同清洁剂"省"櫈下面放袋既架，逐条木条抹干净。而且不会催促你埋单比钱，令人食得舒服。希望保持！