影片
更多
2014-02-20
977 浏览
情人节大家都要返工返学无时间买𩠌煮饭仔，紧系要同男朋友出去sweet sweet下啦。见呢间最低消费都系一个情侣套餐，无话迫你地一定要两个人都叫晒情侣套餐，价钱都合理。所以最后决定左试呢一间！由于一早book左位，唔洗等入到去即时有位！情人节套餐 $298/位情人节套餐嘅头盘系鲜杂果蔬菜串配酒醋汁。酒醋汁酸酸地好开胃唔错。 餐汤系甜蕃薯忌廉汤，蕃薯煮到溶晒，唔会话饮落口有啲一粒粒蕃薯影响口感。而且原来蕃薯加忌廉都几夹，又唔会好漏。主菜有3选1，我地拣左个牛油焗大虾配红 甜椒酱意大利饭。师傅用意大利饭整左个心心出黎，而四只大虾都分别砌左两个心心。好配合情人节嘅主题，好靓。大虾焗得好香口，又唔会太㶶。而意大利饭入面有啲杂菇、珍珠笋，中和返令成意大利饭唔会太浓味同太漏，啱啱好！ 而甜品系燕窝鲜果拿破仑。单系燕窝已经令我双眼变心心，卖相亦相当唔错！除左情人节套餐外，我地亦叫左个水牛芝士配香辣蕃茄汁意大利粉同酱烧猪仔脾。水牛芝士配香辣蕃茄汁意大利粉 $88(加钱转左做套餐)水牛芝士系切粒放系意粉上面，但系唔知系米佢上得太快ge关系系我地重系饮紧餐汤ge时候佢已经上左个意粉。当饮完个餐汤之后意粉表
情人节套餐 $298/位
情人节套餐嘅头盘系鲜杂果蔬菜串配酒醋汁。酒醋汁酸酸地好开胃唔错。 餐汤系甜蕃薯忌廉汤，蕃薯煮到溶晒，唔会话饮落口有啲一粒粒蕃薯影响口感。而且原来蕃薯加忌廉都几夹，又唔会好漏。
主菜有3选1，我地拣左个牛油焗大虾配红 甜椒酱意大利饭。师傅用意大利饭整左个心心出黎，而四只大虾都分别砌左两个心心。好配合情人节嘅主题，好靓。大虾焗得好香口，又唔会太㶶。而意大利饭入面有啲杂菇、珍珠笋，中和返令成意大利饭唔会太浓味同太漏，啱啱好！ 而甜品系燕窝鲜果拿破仑。单系燕窝已经令我双眼变心心，卖相亦相当唔错！
除左情人节套餐外，我地亦叫左个水牛芝士配香辣蕃茄汁意大利粉同酱烧猪仔脾。
水牛芝士配香辣蕃茄汁意大利粉 $88(加钱转左做套餐)
水牛芝士系切粒放系意粉上面，但系唔知系米佢上得太快ge关系系我地重系饮紧餐汤ge时候佢已经上左个意粉。当饮完个餐汤之后意粉表面已经涷左，只有小部分芝士有溶到落d意粉到。不过，总括黎讲系满意。意粉煮得刚刚好，唔好太淋亦唔会硬到觉得个心未熟。味道都相当唔错，因为用ge系水牛芝士，所以就算系成粒放入口都唔会觉得而且漏，酸酸辣辣咁好开胃！
酱烧猪仔脾 $78
由于酱汁同猪仔脾系分开上，第一眼见到以为d肉烧到好干。但食落又唔系，我个人认为适中。而且同埋Ｄ酱汁一齐食真系好味都震！！如果食肉食到漏漏地，重可以食埋D沙拉菜中和返。
张贴
