影片
更多
2017-06-22
802 浏览
Joey妹就嚟生日，细妹提议嚟呢度同佢庆祝！上次经验唔错，加上我钟意食斋，决定嚟多一次！11：30am，准时入座！我哋三个系第一批客，仲要系头几个入座，所以一切食物款式份量俱全，碟碟满满热辣辣，等我哋剪彩！细妹俾钱后(可俾信用咭)，好！开始出动！所有食物放喺门口入口处，呈L型摆放，夹之前，当然又系我部手机食先～我冇食沙律，因为唔想嘥quota, 但见啲菜好新鲜，兼有四款沙律酱汁！我先嚟第一轮，睇返个碟，最好味系茄汁德国素肉丸同黑椒牛扒！前者好有茄汁狮子头feel, 大大粒，好有肉丸味！后者好鲜味，有咬口，软硬适中！肉松豆腐系冻食，肉松拌住滑豆腐，味道啱啱好！冬菇同菜芯都好新鲜！冬菇炆得腍，菜芯够鲜甜，两样都值得推介！猪大肠(系真嘅我一定唔食！咁核突！不过系斋嘅可以试吓！)，味道普通！唯一最难食嘅系凉拌海带雪面，冻系冻，不过啲雪面系浸腍哂嘅苟蒻，啲汁仲要系甜！捞埋海带带有少少腥！真系OMG！我细妹叫我唔好要，但我唔想浪费食物，都食哂！另外要赞吓个肉碎酿豆卜，好多肉碎好多汁，豆卜入味，值得一试！细妹夹咗一大碟，每样分咗啲俾我，所以我都试咗1)麦乐素鸡(味道几好，不过冻咗！)、2)串烧(外型
11：30am，准时入座！我哋三个系第一批客，仲要系头几个入座，所以一切食物款式份量俱全，碟碟满满热辣辣，等我哋剪彩！
细妹俾钱后(可俾信用咭)，好！开始出动！
所有食物放喺门口入口处，呈L型摆放，夹之前，当然又系我部手机食先～
我冇食沙律，因为唔想嘥quota, 但见啲菜好新鲜，兼有四款沙律酱汁！
我先嚟第一轮，睇返个碟，最好味系茄汁德国素肉丸同黑椒牛扒！前者好有茄汁狮子头feel, 大大粒，好有肉丸味！后者好鲜味，有咬口，软硬适中！
肉松豆腐系冻食，肉松拌住滑豆腐，味道啱啱好！冬菇同菜芯都好新鲜！冬菇炆得腍，菜芯够鲜甜，两样都值得推介！
猪大肠(系真嘅我一定唔食！咁核突！不过系斋嘅可以试吓！)，味道普通！唯一最难食嘅系凉拌海带雪面，冻系冻，不过啲雪面系浸腍哂嘅苟蒻，啲汁仲要系甜！捞埋海带带有少少腥！真系OMG！我细妹叫我唔好要，但我唔想浪费食物，都食哂！另外要赞吓个肉碎酿豆卜，好多肉碎好多汁，豆卜入味，值得一试！
细妹夹咗一大碟，每样分咗啲俾我，所以我都试咗1)麦乐素鸡(味道几好，不过冻咗！)、2)串烧(外型唔好，有好多毛咁！感觉系冬菇干物体，但有少少咖喱粉味，我唔钟意！)、3)蒲烧鳗鱼(好普通，试唔试都得！)、4)芝麻酱冻茄子(清淡嘅茄子，软硬适中！)5)蚝仔(我本身好唔钟意蚝，特登唔夹，但细妹逼我！质感似鲮鱼肉！)。
第二轮，我走出去点咗个肉酱意粉！厨师婶婶整俾我，我企喺外面等，见佢整好谂住攞，点知佢递咗俾个女侍应，女侍应又唔知边个点？送错枱！结果我喺后面跟住佢问佢攞返！讲吓个肉酱意粉先～好多肉酱！有茄汁嘅酸甜，好大兜！好似半碟意粉咁滞！但啲意粉唔系平时我食开嘅意粉！系扁面！偏腍同黏，所以同我想像中有偏差！唔可以话难食，但唔系好好食！我撩吓撩吓慢慢食，结果越放得耐越黐得实！
食完个意粉，已饱咗大半！再出去行多转，又食到好嘢～素菠萝排骨同素鱼扒！前者好入味，好似斋鸭肾！后者都入味，似午餐肉！另外我捞咗两粒浸喺肉骨茶嘅龙虾丸同豆腐，龙虾丸好爽好弹，唔似龙虾丸！豆腐就似鱼腐！呢转我夹多咗我个情意结～素鸡搥！本来已经饱饱地，但好想食！面脆内软嘅腐皮卷，中间包住支雪条棍，方便你拎嚟咬！我点私伙带嚟嘅茄汁食，好好味！
最后，甜品喇！荔枝乳酪，我自己吱，吱得几靓！味道似益力多味沙冰雪糕，好冰冻！好滑！好甜！结果，我出去吱多两转，拌多两旧小蕃薯，味道更加好！蕃薯热辣辣，软腍又香甜，拌埋偏甜嘅乳酪雪糕，令到你欲仙欲死！欲罢不能！食完想再食！可惜，个肥腩话我知，我唔可以可食！
食紧蕃薯乳酪雪糕之际，男侍应话有蕃薯糖水，欢迎order！Joey妹要咗一碗，哗～辣到佢弹起！可能落咗太多姜！好彩我冇要！我最惊食姜！
$118加一，每位平均$129.8，食到饱饱！侍应服务态度好，女侍应脸带笑容，男女侍应都会主动埋嚟收碟！厨师婶婶一眼关七，见个碟啲𩠌开始少即时refill！唯一值得改善嘅系，灯光偏暗，枱与枱之间条通道较窄，隔邻枱后来入座嘅阿婆成日出入撞到我张枱！另外，啲碟同杯放喺𩠌嘅下层，弯低腰先见到！啲杯有少少污糟，但冇地方俾你倒水啷杯！
总括嚟讲，一个半钟，食到饱饱，我哋入座后都越嚟越多客，全部入座起计90分钟！Red Mango, I'll be back！
张贴
