皇軒私房菜 (裝修中)

朋友生日揾间舒适嘅食府，呢间私房菜虽然唔大，但入面格局非常舒适又整洁， 餐桌似酒楼嘅摆设，环境清静，好岩我地倾下计。整体食物质素高，无味精，健康又好味之选!溏心蛋拌胡麻沙律︰中餐摆设食西餐野好特别，配搭新颖!溏心蛋做得好好，配上芝麻酱沙律菜好开胃。花雕醉鸡︰花雕嘅酒味好香，唔会话太浓带涩，浸得够入味!麻辣猪手︰好欣赏佢个猪手，唔肥又唔腻，猪皮好有咬口，食得出猪手经过好多个处理步骤，同埋佢个麻辣有香，好欣赏!炸BB鸽︰新鲜炸出黎，热辣辣又够香!鱼汤浸豆苗︰豆苗非常幼细又新鲜，鱼汤又够浓!蜜椒牛柳粒︰,牛柳好大粒，好够镬气，唔会过老，有肉汁又够嫩，配菜都好新鲜，薯仔粒煎过且配上蜜糖后好香甜。XO酱鲍鱼粒炒饭︰又系超有镬气嘅炒饭，D饭一粒粒，蛋香味十足，鲍鱼粒烟韧又有鲍鱼香味，配上其他配菜，成个饭嘅层次提高左。菊花豆腐甜品︰豆腐顶部雕琢成很多条状，卖相似菊花好吸睛，姜茶清甜唔太辣，入口适中，大人细路都会钟意，又靓又好食。