越發地道河內料理

营业中

休息中

见到网友对呢间食店既食评咁好，所以一直都谂住要试下，睇下系咪真系咁坚先！叫了牛柳牛丸粉、河内蕃茄蟹糕檬、牛油鸡翼同一杯柑桔梳打。牛柳牛丸粉，汤底清甜，D牛柳牛丸好食，配上青柠同辣椒，但唔明点解配埋碎上油炸鬼，D油炸鬼又唔脆，话索埋D汤一齐食，有D无谓！河内蕃茄蟹糕檬，因为见到只限星期六日供应咁矜贵，所以咪试下啰，OK la，唔系特别好味道！牛油鸡翼，好好食，一碟得3只，真系唔够，但$75确系有D贵！柑桔梳打，正正常常！间野的确系唔错既，仲要不收加一，但真系要预时间排队等位，12点开舖，11点30分门口已经有好多人等紧！