豆乳狂人 (已搬遷) 新店位置

呢间位于沙田嘅豆乳专门店好受欢迎。时刻都有长长人龙。豆味芝士奶盖豆乳茶 $35茶饮之上放上一串手工白玉，卖相十分吸引😍。豆味芝士奶盖味道咸香，配上香甜嘅手工黄豆粉，比起一般嘅芝士奶盖味道更丰富☺️。豆乳加埋冻顶乌龙茶，清香又带金味。豆乳布丁香滑而且仲有黑糖珍珠，口感好有层次。椰奶多芒小丸子 $35有芒果蓉又有芒果粒，淡淡都系芒果味。椰奶口感幼滑，而且香味浓郁，甜度适中。小丸子粒粒烟韧弹牙，配椰奶好夹😋。鲜芋泥西米露 $28芋泥香甜绵密而且份量仲好多。椰奶味道浓郁而且甜度低，捞埋芋泥啱啱好。西米晶莹通透，煮得粒粒分明。红枣桂圆枸杞豆乳 $28红枣桂圆枸杞滋润之选。甜味温和，而且三样食材嘅口感都唔同，食落好丰富😋。酥脆鸡软骨 $25即炸嘅鸡软骨好吸引😻。鸡软骨酥皮香口，咬落爽脆，食到停唔到口😆。好味道，唔使十分钟就食晒。