金丼鐵板和風放題 (已結業)

因为朋友未嚟过「金丼」放题，所以见有团购优惠就相约去试，今次食嘅系「2.5小时+每人一只北海道焗蚝」团购，环境唔算特别好，因为坐落都几逼，食物款式算多，Menu上嘅未试得哂，希望下次可以试哂佢吧。不过值得一赞嘅系上菜速度算快，而且无咩漏单情况。嚟得最快嘅当然就系刺身，同其他放题铺头相比，金丼嘅刺身绝对算得上新鲜，嚟多几转都无有怕！小食都算唔错，特别系「自家制泡菜」，就连平时唔食泡菜嘅我都会咗唔少，另外「溏心玉子」都唔错，溏心及酱汁都好好味，推荐！炸物方面就水准不一，天妇罗虾我就觉得几一般，但炸鸡软骨真系几正！唔会粉又有有软骨嘅感觉，而且唔会过份调味，绝对推荐！说好送嘅嘅「每人一只北海道焗蚝」，过咗好耐终于送到嚟，不酽质素真系大失所望！味道普通之余，只蚝仲好细，基本上都系芝士同忌廉嚟。另外，仲有外面放题少见嘅「火锅」，今次试嘅就系「日式三文鱼头腩锅」，汤底有蔬菜同三文鱼头，好足料！而可以叫嘅火锅配料就系平时见开个啲，质素唔算差（除左肥牛）。最后当然唔少得甜品，因为唔系甜品舖，啫喱、布丁嘅质素都唔可以期望太高，不过「金丼」最正嘅就系平时限人头数嘅雪米滋，呢到可以任•叫•！大满足！