圍威喂 (荃灣廣場) (已結業)

平时系荃湾广场食黎食去都系𠮶几间，今次终于等到有新餐厅！佢系一间食越式及泰式既餐厅，餐厅座位舒适，而且环境干净，仲会播流行歌曲，整体感觉好舒服。 (扎扎跳手打虾饼及冬荫功单骨鸡翼)- 64$呢个系2个套餐额外加钱配既小食，冬荫功单骨鸡翼食落酸酸甜甜，十分开胃，炸粉都唔会太厚，食落去啖啖肉。至于虾饼，食落去非常弹牙爽口，但本身佢无咩味道，需要配上旁边既酱汁。(海南鸡配油饭)- 78$海南鸡同油饭绝对系绝配，鸡肉十分滑嫩，而且鸡油香味浓郁，用黎再食多碗饭都唔系问题。虽然鸡既份量睇图好似唔多，但绝对够食饱一个人。(泰式蟹肉炒饭)- 88$系我最期待既一样野，蟹肉口感食落一丝丝，唔会系霉霉烂烂，充满住冬荫公既味道。而且拨开饭中间，会发现除左蟹肉仲有蟹子，每一啖饭都会有几粒蟹子，食落去好有口感，为炒饭增添层次感，下次绝对会再叫多次。