意粉狂熱 (皇室堡) (已結業)

之前食过一次，今晚同朋友聚会又嚟咗呢度，叫咗一个pizza、一个pasta、一个小食同两杯嘢饮。嘢饮叫咗苹果益力多同橙汁益力多。我杯苹果汁同益力多几夹，好满意。上次食过芝士牛肝菌浓汁鲜制意粉觉得好好味，今次encore。朋友觉得个意粉al dente，我都认同意粉有咬口，配埋牛肝菌个汁好好味。虽然menu有一只辣椒仔，但其实一啲都唔辣。之后嚟咗个豪华拼盘。个人比较钟意鸡翼同埋牛油果多士。本身想食年糕Pizza，但卖晒，所以转左叫Margherita。新鲜热辣好味，饼皮唔会太厚，芝士同蕃茄嘅味道好香。会再嚟过！仲想试其他款pasta！！