有情有意 (已結業)

今日又要黎到理工上堂, LUNCH 见到呢间"有情有意" 既餐厅名觉得几得意, 评分又几好, 就去试下, 而去到红磡火车站出面仲有派紧$10 coupon, 全年适用架!!原来2间社企餐厅都系正隔黎, 应该系叫做同1到, 装修都好特别, 应该系自己画既, 令人几relax既感觉!set lunch 由$58-138 不等, 包汤,野饮(冻饮免加3), 同甜品, 真系丰俭由人, 选择都非常多, 日式西式都有, 选择困难症既人会拣得好辛苦!餐汤:本身睇个样觉得好淡口, 饮落估系薯仔汤, 好好饮好薯仔!!香煎鸡排配意粉($58+5):鸡排都几大块, 煎得香脆, 同行朋友话觉得意粉好淡口, 但我反而觉得几好味, 食得出用纯蕃茄煮甜品:食到咁上下, 唔知点解会送甜品, 不过芝士蛋糕做得好好, 唔会太滞, 细细粒令人好想再食!总括黎讲, 呢间西餐质素非常不错, 非常推介!!不过提提大家, 呢到既员工多数都会有听写障碍, 大家不防落单望住佢地讲, 佢地会易睇口型好多架!