影片
更多
2020-01-09
2141 浏览
今次同啲团友嚟到西洋菜街食晏，「创始中心」下面间「台湾面」话食到厌，另一家常到访嘅车仔面「百味车仔面」亦帮衬得太多，今次想转转为味，就试吓同街嘅另一家面店「将军面馆」，大家都无试吓，志在搏一搏当试吓新嘢。虽然门口嘅招牌写住老北京炸酱面，但室内嘅装修，一室浅色木系，都喺走简约风格，不过，就加咗点中国色彩嘅元素，好似啲吊灯、面谱摆设。折页嘅餐牌底面两版就印晒所有菜式，一版就图文并茂嘅将军小食及招牌面，另一版就喺其他面食、追加配料及饮品，凡点各款粉面，饮品就半价。枱上备有辣椒酱和甚少见嘅黄辣椒酱，可惜小弟一向都唔好辣，老友就啱晒。将军酱香猪手面 $44好多款粉面都想试，都谂咗好耐先拣咗猪手，因为平时真喺较少食。啲粉面嘅份量都几多，上枱睇见大大碗，而每碗汤面都注明配有炸酱、生菜、葱花及芫荽，至于面条可以拣粗面或小面。个汤头入口好醇厚、好幽香，唔会饮完有口渴嘅感觉；粗面咬落有韧劲、耐浸，不愧喺自家制嘅手工面，捞埋啲炸酱食，更惹味。啲猪手点先？正，好入味，肉质好腍身，而外皮又有啲爽滑感，仲有啲胶质晌底，真喺坚好食。顺口讲讲，啲碗都好靓，画有青花瓷图案，甚具中国色彩。热奶茶 +$6半价配饮品就梗喺点
虽然门口嘅招牌写住老北京炸酱面，但室内嘅装修，一室浅色木系，都喺走简约风格，不过，就加咗点中国色彩嘅元素，好似啲吊灯、面谱摆设。
折页嘅餐牌底面两版就印晒所有菜式，一版就图文并茂嘅将军小食及招牌面，另一版就喺其他面食、追加配料及饮品，凡点各款粉面，饮品就半价。
枱上备有辣椒酱和甚少见嘅黄辣椒酱，可惜小弟一向都唔好辣，老友就啱晒。
将军酱香猪手面 $44好多款粉面都想试，都谂咗好耐先拣咗猪手，因为平时真喺较少食。啲粉面嘅份量都几多，上枱睇见大大碗，而每碗汤面都注明配有炸酱、生菜、葱花及芫荽，至于面条可以拣粗面或小面。
将军酱香猪手面
$44
10 浏览
0 赞好
0 留言
啲猪手点先？正，好入味，肉质好腍身，而外皮又有啲爽滑感，仲有啲胶质晌底，真喺坚好食。顺口讲讲，啲碗都好靓，画有青花瓷图案，甚具中国色彩。
热奶茶 +$6半价配饮品就梗喺点杯奶茶啦，其实饮品嘅选择唔太多，但请真，杯奶茶就麻麻哋喇，咁又唔叫差嘅，只喺茶味比较薄。
将军厚切牛展面 $47专登摆晌餐牌面页，就当佢喺店家嘅招牌推介，而友人又喜欢牛展，所以，啱晒佢啦！同样，都喺份量十足，牛展亦有不少，不过，似乎就唔喺厚切㖞，但就好入味，柔中带韧，极有口感。
将军厚切牛展面
$47
32 浏览
0 赞好
0 留言
呢个组合，即喺变咗我嘅猪手面嘅干身捞面版，不过，配料就比我配多，除淋上秘制酱汁，仲有芽菜、青瓜丝、炸酱、花生、葱花、芫荽。友人话食起嚟，面条变得清爽，更具口感，同样，亦大赞啲猪手好掂，超好食。
黄酱猪手将军捞面
$44
12 浏览
0 赞好
0 留言
其中一位友人悭悭哋，拣选另一款捞面「老北京麻酱面」，但就唔再配𩠌。面条淋上麻酱汁，而基本配菜有旺菜、甘笋丝、肉松、青瓜丝、花生，捞埋一齐食，味道几芳香吓，都喺啲麻酱汁够浓郁；佢话未试过食面配肉松，感觉又几得意。
依家晌街食碗面都唔喺平架啦，不过，质素好嘅话都值，就好似今日嚟到所试嘅面食，大家嘅评价都属中上。然而，我哋无人试过佢啲小面，唔知喺点，下次揾机会再试。
张贴
