日喜樓 (已結業)

日喜楼二访，可以令我再度去食嘅餐厅通常都系有返咁上下水准！爆汁生煎包，皮薄底脆，汤汁唔会太油腻，令人越食越上瘾。虽然店员已经好窝心咁预先提醒我哋要小心爆汁烫到口，但心急嘅我....到家下都仲有d痛😂😂不过咁好味，我下次都系会食嘅🤣 杞子花雕醉鸡呢道凉菜小吃系我每次食上海野必点🤞🏻佢酒香扑鼻而且非常入味，鸡肉嫩滑可口，最重要系个温度非常适中。酸菜斑片将酸菜同鲜鱼片一锅煮，汤嘅味道鲜甜美味，一片片雪白的鱼肉又嫩又入味，酸菜好香汤汁亦浓，非常开胃😋碧绿莴笋丝好爽脆，味道比较清淡，食咗咁多到浓味菜，一道清淡脆口嘅莴笋黎得更加健康有营。再黎家常豆腐同埋山东水饺🥟，经典嘅上海菜，虽然看似简单，但要煮得好食真系好考厨师嘅功架！家常豆腐带有小小辣味，系我最爱嘅红烧豆腐style. 山东水饺外皮烟靭有咬口，馅料有猪肉同菜，家的味道。日喜楼结合左新派同传统上海菜嘅精髓，有如游走老上海巷弄美食。喺铜锣湾心脏地带可以揾到性价比咁高嘅菜馆真系难能可贵！