樺得園 (已結業)

好难得另一半主动提出今日去九龙城食W Burger， 虽然我哋都未曾食过，但系见网上嘅正评都唔少所以就决定入座啦未入门口已经见到出面两张枱都坐咗客， 入到里面就更加差唔多满座， 眼见楼面只系得一位靓女姐姐好忙咁走嚟走去， 但系佢都好有礼貌咁招呼我哋坐低，只系同我哋讲畀啲时间佢哋出菜，因为今日好多单，唔好催佢地就得！我哋就决定咗嗌龙城鸡扒汉堡以及 蘑菇安格斯牛肉堡，两客汉堡都转咗套餐，有包埋一客小食/汤+一杯饮品，再加上一客迷你小食拼盘！其实由落单起计都唔系等咗好耐，而每一次食物上枱，侍应姐姐都讲一次唔好意思，多谢你体谅。。首先讲下份鸡堡， 系出乎意料之外嘅好食， 尤其系鸡扒嘅嫩滑程度以及调味都令到我地惊艳，我嘅另一半甚至话比起佢𠮶份 蘑菇安格斯汉堡更出色 而蘑菇安格斯汉堡就稍为普通。。。另外点嘅小食拼盘亦不过不失，当中嘅鸡翼味道亦十分唔错！下次会再嚟试下其他款式嘅汉堡，希望佢亦都会有令我哋惊喜嘅表现啦！直到我哋离枱，成间餐厅都系满座㗎， 要嚟食嘢嘅朋友仔都真系唔可以心急，要畀啲耐性等一等㗎！