Mami Cook (已結業)

九龙城新发现，原来除咗食泰国菜之外仲有其他选择⋯⋯韩国菜。哩间只做外卖不设堂食嘅韩国舖头叫Mami cook by Kim’s Korean Food Store。舖头唔系好大，直入店内放置个雪柜摆放店主自己腌制嘅韩国前菜（类似韩国街买紧𠮶啲）有泡菜，萝卜粒，萝卜丝，菠菜，小薯仔，炒蘑菇，坚果鱼仔，辣青瓜粒，生腌八爪鱼，生腌鱿鱼，芽菜，蛋卷......。雪柜旁边摆放紫菜饭卷。我第一次试唔敢买好多，只系买咗泡菜，萝卜丝，蛋卷，两条紫菜饭卷，泡菜豆腐汤，泡菜煎饼，甜辣炸鸡。由于好多外卖，落单后都要等30分钟（好食都值得等👍🏻）由于佢系自家制，食物唔会太过浓味，我食过韩国街啲泡菜，太浓味，食完都会觉得好口渴，哩度吾会，我觉得好好味。甜辣炸鸡好入味，一盒有15件，我都忍唔住一个人食咗五件😋。价钱唔贵👍🏻下次可以试其他嘢食