糖百府 (已結業)

约左人系铜纙湾, 去左呢间糖百府食下野~ 唔错, 有板有眼.首先试左个"比根果仁芝士伴雪糕"... 少少咸香, 配上雪糕, 味道啱啱好~ 建议由上层雪糕"笔"到茖芝士, 一齐食, 咁系最好味 当然, 要好好咀嚼啲果仁, 值回票价.之后试左个"tiramisu 格格窝夫雪糕"... 好好味丫, 啲窝夫食落竟然有啲鸡旦仔嘅香味.跟住系一个叫"浓情芝味"( 个名改得几好丫~ 好贴切~)... 原来系一个tart , 里面有芝士流出黎架~ 好似心太软咁~ 不过呢, 可能本人唔好类似牛奶嘅野, 所以, 如果里面啲野"杰"身啲, 再咸香啲, 就perfect 啦! anyway, 连埋个tart 一齐食, 都已经几好味~最后黎埋个苹果批... 嗯, 个卖相唔错~ 而且好酥香. 超脆! 一切, 卜卜声 (系咪咁形容呢? XD). 可惜, 入面嘅苹果少左啲, 无想像中鲜甜. 虽然好想试多几款, 不过肚仔唔够 quota, 唯有下次约多个朋友再黎~ 下次要试个心太软先, 因为听隔离枱啲食客食得几满意~ XD 仲有个好似系芒果奶冻嘅, 卖相好吸引~