新九記粥麵

营业中

休息中

今日第一次去食，抱住搏一搏心态去试，因为睇到open rice 有负评；不过冇令我失望。之前有人投诉话个粥杰挞挞同冇味，但我就好喜欢呢种软绵绵嘅粥底，而且都有味（我唔知有冇味精），我叫双并滑牛同猪润，都好食唔鞋唔硬。叫咗个净云吞，系我钟意嘅细细粒，系细个时食过果种。味道不过不失，但如果可以加多啲大地鱼就好。有人曾经话过服务员态度差，但今日个哥哥仔好有礼貌，多谢晒、唔该不停讲，而且做嘢好快手；阿姐都好醒目，客人一走就清理枱面，保持地方干净，令食客食得安心又舒服。我一向好少写食评，但今次体验令我觉得店主有心改善，希望大家可以再次帮衬，比多次机会小店，可以继续经营落去。