影片
更多
2023-05-13
589 浏览
由于本身冇谂住写食评，所以冇专登每样影相😂(所以摆到明我唔系打手😂😂) 等朋友收工，9点几未 close 就入去食。入面系韩国人，服务态度好好 ~ 老细识广东话，但都系韩国人。佢好好，介绍话我地知如果三个人，套餐同散叫点配搭会够食 d ~ 同行朋友都系钟意食韩个嘢 ~ 都赞味道几地道味！👍🏻食物份量好合理 ~ Kimchi 又可以潻佢哋冇酒牌，但你可以买入去，佢仲帮你雪埋，劲 nice !1. 泡菜煎饼香口，唔系劲厚粉。2. 豆瓣酱汤味浓郁，你真系食到豆瓣酱里面嘅黄豆，仲有少少海鲜一齐煮。因为真系好饮 ，当我”不”到差唔多冇哂，个老细经过见到，仲劲贴心帮我打斜个碗，等我可以”不”哂！ Service 真心好！3. 有个海鲜辣汤面，佢专登帮我哋做小辣。海鲜料够，最正系个面底唔会太淋，少少爽口，连其中一个平时唔钟意食面嘅朋友都食多一碗。👍🏻4.腌酱炸鸡，个汁少少甜辣，好惹味，而且个炸粉唔系好厚，所以食几嚿你都唔会觉得好滞。👍🏻5. 最惊喜系喺餐牌见到有个叫做葱沙律，之前去韩国餐厅都唔多觉有。谂住试吓。十分惊喜，真系成个沙律都系得葱，拌咗酱料，小酸+小辣+麻油香，配埋本身葱既香辛味，坚特别，
(所以摆到明我唔系打手😂😂)
等朋友收工，9点几未 close 就入去食。
入面系韩国人，服务态度好好 ~ 老细识广东话，但都系韩国人。
佢好好，介绍话我地知如果三个人，套餐同散叫点配搭会够食 d ~
同行朋友都系钟意食韩个嘢 ~ 都赞味道几地道味！👍🏻
食物份量好合理 ~
Kimchi 又可以潻
佢哋冇酒牌，但你可以买入去，佢仲帮你雪埋，劲 nice !
1. 泡菜煎饼香口，唔系劲厚粉。
2. 豆瓣酱汤味浓郁，你真系食到豆瓣酱里面嘅黄豆，仲有少少海鲜一齐煮。
因为真系好饮 ，当我”不”到差唔多冇哂，个老细经过见到，仲劲贴心帮我打斜个碗，等我可以”不”哂！
Service 真心好！
3. 有个海鲜辣汤面，佢专登帮我哋做小辣。海鲜料够，最正系个面底唔会太淋，少少爽口，连其中一个平时唔钟意食面嘅朋友都食多一碗。👍🏻
4.腌酱炸鸡，个汁少少甜辣，好惹味，而且个炸粉唔系好厚，所以食几嚿你都唔会觉得好滞。👍🏻
5. 最惊喜系喺餐牌见到有个叫做葱沙律，之前去韩国餐厅都唔多觉有。谂住试吓。十分惊喜，真系成个沙律都系得葱，拌咗酱料，小酸+小辣+麻油香，配埋本身葱既香辛味，坚特别，成碟清哂🤤 一定会反去再食！
个老板好好，执枱清洁好认真，仲会同我哋倾偈，仲话埋俾我哋听个韩国综艺节目做紧乜😂
原来佢开呢间舖系俾妈妈，不过最近叫咗妈妈返韩国做身体检查，所以呢排就由佢睇舖。
佢见我啲朋友饮紧酒，(另外都有一台饮紧) 所以就算准备close ，都冇赶我哋走，话可以再坐多一阵。
我朋友亦同餐厅入面韩国姨姨用韩文交流咗几句。
整体唔错，价钱合理，食物质素 nice 🫶🏻而且服务态度系好好，所以见到有 d comment 讲到好差，我都有 d 不明所以🤔 why?? 🤔
总之，我觉得值得去，我同朋友亦都会再去！
Especially 食葱沙律😍
26 浏览
0 赞好
0 留言
葱沙律
19 浏览
0 赞好
0 留言
张贴
