樹屋 (已結業)

过去试过几间铜锣湾嘅楼上cafe, 食物都系麻麻地，但今次cafe my dear 就有惊喜喇。环境优静，无人食烟，适合倾下计慢慢食咁。 老板都好好人，又借差电比我地， 见我地未齐人又介绍我地过隔离行下韩国护肤品。三文鱼凯撒沙律：个沙律有螺丝粉，如果全部都系菜会比较好。沙律酱系要自己落嘅，可能我地太饿所以唔记得落汁，食到尾先加返。其实唔知点解餐厅唔直接落埋，又唔系有好多款沙律酱比我拣。瑞士鸡翼：好味，有一半好明显系新煮，唔够入味。烟鸭胸蘑菇蒜香意粉：朋友话好惊食到d 咬唔开嘅鸭胸，好在依个咬得开，几好味，因为无汁所以意粉就干左d 喇。番茄牛油蒜蓉虾球意粉：个汁煮得好好味，令意粉好醒胃，虾球大大粒！日式鳗鱼炒饭：普通，可能因为我唔太好鳗鱼。牛干菌汁蘑菇鸡柳饭：好咸， 牛干菌汁同鸡柳有少少唔夹，下次唔洗试。蛋黄酱吞拿鱼鸡蛋意粉： 温泉蛋加蛋黄酱好creamy, 非常美味，加上吞拿鱼份量都几多，必食！棉花糖朱古力雪糕窝夫： 之前睇食评见到好多人都推介依个甜品，虽然我地自己有蛋糕，但因为太为食叫左一个试试！ 好味，但如果窝夫厚d 会更好。依间cafe 都算唔错，野食大部份几好，适合倾下计，又