影片
更多
2015-01-30
789 浏览
整个Facebook/饮食杂志都在催谷这杯「鱼鱼乳酪」（叫惯左，不喜勿插）一直都好想试下，的确个样（睇相）十分吸引。第一次去时7点几到，店员话买飞等2个钟再番去拎，心谂痴线，亦谂点解门口班人会咁得闲响道等2个钟；第二次去大约6点，已有牌话卖晒，算，走！最后，其实都想放弃，不过S先生坚持想食，最后有日佢真系2点到去到买完先叫我出门口（家住尖沙咀，话咁快就到）😂我个人觉得呢间店其实几有问题，我冇接触过店员（买飞拎鱼都唔系我）唔知礼貌如何，有4部机，都可以整咁耐？原因响边？唔知同铜锣烧接近既食物可以等咁耐，佢叫我地20分钟后去拎，叫number又唔系顺number叫咁比筹做乜？后来听d number愈讲愈唔对路一问之下先话而家下个到你？冇野呀嘛，不过算。差唔多3点已经堆满人，听到话果时买要等45分钟，又唔系整咩都可以咁耐，仲咁好生意真系好彩。终于拎到勒，影左2张相望下杯乳酪（再望隔离唔知等到何年何月既人眼神）即刻开心番，点知一食落口😰首先，第一个感觉系-应该点食？如果我食晒d乳酪条鱼点？干哽？之前睇饮食男女话落到底，好多乳酪，但唔系，乳酪得3/2😒乳酪-冇奶果种，好似益力多味，好「希」好薄身
整个Facebook/饮食杂志都在催谷这杯「鱼鱼乳酪」（叫惯左，不喜勿插）一直都好想试下，的确个样（睇相）十分吸引。
第一次去时7点几到，店员话买飞等2个钟再番去拎，心谂痴线，亦谂点解门口班人会咁得闲响道等2个钟；第二次去大约6点，已有牌话卖晒，算，走！
最后，其实都想放弃，不过S先生坚持想食，最后有日佢真系2点到去到买完先叫我出门口（家住尖沙咀，话咁快就到）😂我个人觉得呢间店其实几有问题，我冇接触过店员（买飞拎鱼都唔系我）唔知礼貌如何，有4部机，都可以整咁耐？原因响边？唔知同铜锣烧接近既食物可以等咁耐，佢叫我地20分钟后去拎，叫number又唔系顺number叫咁比筹做乜？后来听d number愈讲愈唔对路一问之下先话而家下个到你？冇野呀嘛，不过算。
差唔多3点已经堆满人，听到话果时买要等45分钟，又唔系整咩都可以咁耐，仲咁好生意真系好彩。
终于拎到勒，影左2张相望下杯乳酪（再望隔离唔知等到何年何月既人眼神）即刻开心番，点知一食落口😰
首先，第一个感觉系-应该点食？如果我食晒d乳酪条鱼点？干哽？之前睇饮食男女话落到底，好多乳酪，但唔系，乳酪得3/2😒
乳酪-冇奶果种，好似益力多味，好「希」好薄身；
朱古力得少少，不如唔好落啦😒
串生果同乳酪完全唔夹，系青提😟至于系咪跟番韩国一样就唔知勒。
吉士-同朱古力一样，一茶匙左右，落黎为乜？系咪好似落盐咁吊味？
鱼皮-呢个就真系好食，外脆内软系真既，见到其他人话唔熟，我估系佢地乱整搏你唔会等2个钟头再换第二杯，我地好彩，正常熟👍有冇得平d买层皮，我过M记买杯雪糕自己加呢唔知？
我系唔会再番去食，食杯咁普通既乳酪，又要浪费我d时间（见到有人话等4个钟都等😟韩国都飞到去食啦），又要比隔离铺个4眼仔白眼😒唔知为乜😤
建议1）其实尖沙咀有唔使排队都有得食，仲系韩国人开，自己揾下就会知👍
建议2）自己去买个红豆/吉士铜锣烧再加自己钟意食既雪糕/乳酪
建议3（重点推介）叫男朋友/兵仔去买左先，2个钟后施施然去食（边个买埋比我都唔会去）就最好
张贴
