中國會

营业中

休息中

由于公司有会籍，我哋久唔久都会去中国会饮茶。入边环境古色古香，十分有中国特色，亦都系非常好嘅宴客地方。今日就带同两位外国同事嚟呢度品尝点心。我哋例牌点了虾饺，烧卖，萝卜糕，XO酱肠粉，萝卜丝酥饼。以下系一啲推介菜式烧鳝呢个系必点嘅菜式，鱼皮烧得香脆，鱼肉嫩滑，周围包满咗蜜汁，非常好食。怀旧虾多士香脆多士上面铺满弹牙嘅虾肉，厉害之处系炸得一啲都不油腻，配上酸甜酱汁，十分开胃。带子大虾粥粥底软绵绵，带子鲜甜，大虾爽口，每次嚟到都必点。我哋另外都点咗鲍鱼鸡粥，一比之下个人比较喜欢带子虾粥，因为较鲜甜。最后不得不提喺中国会嘅甜品，杏仁茶同埋杨枝甘露都系招牌甜点。芒果大大嚿，非常足料。杏仁茶香浓，喝一口全身暖笠笠。