豐鍋雞煲 (荔枝角道) (已結業)

今日咗约友人食饭，由于佢住太子，所以就佢就去附近既丰锅鸡煲。入黎咗叫咗个滋润椰子鸡煲，见到职员亲手将椰子水倒落去锅度，个汤饮落都好清甜，而鸡方面既份量都唔少，当职员放咗鸡落个锅后，会有个漏斗计时，咁就可以保证啲鸡食既时候好嫩滑。除咗鸡煲外，我地仲叫咗顶级安格斯牛小排、即炸紫菜响铃、饺饺阵、唐生菜同稻庭乌冬。安格斯牛小排啲纹分布得好平均，食落亦好重牛味，唔可以错过。饺饺阵方面，一份有八粒，分别系木耳猪肉、鱼皮饺、云吞同超麻辣饺子，啲饺子个皮好薄，啖啖肉。个人觉得即炸紫菜响铃非推介不可，响铃好脆口，最特别系入面夹咗紫菜，所以真系好特别。