影片
更多
2023-03-18
1056 浏览
串烧选择极多！泰、日、港、韩、台、川、西、新疆，基本上你讲得岀嘅款式佢地都有！除左提灯等刁钻部位，佢地仲有多款自家创作嘅特色串烧：鸡皮墨鱼滑、咸蛋黄猪大肠、黑蒜牛舌法葱卷等~ 当日有Sapporo Premium Draft买一送一！当然仲有highball、梅酒、果汁酒等供选择。估唔到平日夜晚黎都满座，大家想食最好预先book位啦！基本上点嗌都无伏，以下推介几款值得试下嘅比大家~✨必食✨✨豚肉节瓜波板糖 (附月见) $38本身以为成旧豚肉一定好实好济，点知原来系将豚肉夹埋切到好薄既节瓜卷起再烧！口感比想像中软腍得多，节瓜存在感无想像中咁高，偶尔会增添左少少爽脆口感，毫不违和。肉味够重，烧得够香，食落又无平时嘅咁腻咁济！👍🏿私心推介👍🏿👍🏿鸡皮墨鱼滑 $38鸡皮薄脆香口，墨鱼滑弹牙，满口油香，极之邪恶，唯独墨鱼味唔算好重。👍🏿焦糖青苹果鸭肝多士 $88鸭肝比想像大得多！一咬超爆汁，口感嫩滑，脂香满溢。配埋香甜爽脆嘅苹果、烘得超香脆嘅法包、偶添咸香嘅芝士粒，食落好满足之余，又唔会太油腻~ 整个多士偏甜，如果可以咸香少少就再balanced啲~👍🏿盐烧豚肉荔枝卷 $22呀妹本身超钟意食豚肉
基本上点嗌都无伏，以下推介几款值得试下嘅比大家~
✨必食✨
✨豚肉节瓜波板糖 (附月见) $38
本身以为成旧豚肉一定好实好济，点知原来系将豚肉夹埋切到好薄既节瓜卷起再烧！口感比想像中软腍得多，节瓜存在感无想像中咁高，偶尔会增添左少少爽脆口感，毫不违和。肉味够重，烧得够香，食落又无平时嘅咁腻咁济！
👍🏿私心推介👍🏿
👍🏿鸡皮墨鱼滑 $38
鸡皮薄脆香口，墨鱼滑弹牙，满口油香，极之邪恶，唯独墨鱼味唔算好重。
👍🏿焦糖青苹果鸭肝多士 $88
鸭肝比想像大得多！一咬超爆汁，口感嫩滑，脂香满溢。配埋香甜爽脆嘅苹果、烘得超香脆嘅法包、偶添咸香嘅芝士粒，食落好满足之余，又唔会太油腻~ 整个多士偏甜，如果可以咸香少少就再balanced啲~
👍🏿盐烧豚肉荔枝卷 $22
呀妹本身超钟意食豚肉草莓卷！今次一尝豚肉荔枝卷，估唔到系完全截然不同嘅感觉。咸香嘅豚肉包住清甜多汁嘅荔枝，果香突岀之余不失油香，几清新㖞~
👍🏿盐烧A4宫崎和牛 $58
和牛软腍juicy，肥膏位入口即化，几有油香~
👍🏿盐烧白鳝 $48
白鳝好厚肉，皮脆肉软滑弹，唔干唔腥，无加酱汁都几好食~
😈罕见之选😈
🐣盐烧阿波尾七里香 $22
🐣汁烧鲜鸡肝 $28
🐣盐烧赤鸡颈肉 $22
🐣汁烧赤鸡心 $22
🐣提灯 $38
七里香其实系鸡patpat，外皮微酥脆，好多肥膏软滑多汁。鸡肝稠滑，毫不腥臭。鸡颈柔软，富油香。鸡心软弹有咬口，好多汁。
见到提灯呢个刁钻部位又点可以唔试下！提灯由母鸡嘅输卵管同未成熟未有蛋壳嘅蛋黄组成。串烧带焦香嘅同时，蛋黄保持同半熟嘅状态，肉质有咬口，唔讲系输卵管其实都食唔岀
🐮新鲜手切牛胸爽 $28
牛胸爽打边炉就食得多，碌一碌口感好爽脆。烧完之后成个口感唔同左，好似一块炸左嘅肥膏，油香十足~
🔥明太子准山烧 $26
准山爽脆轻盈，有少少滑潺潺嘅口感，加埋面头嘅明太子酱，微辣惹味。
张贴
