鮨樂 (奧海城3期) (已結業)

每次同好姊妹相约dinner, 都离不开日本料理, 今晚就选择了奥海城呢间连锁日料 「鮨乐」, 之前系其他分店食过, 质素唔错, 而且刺身、寿司款式选择多, 所以成为我心目中其中一间值得encore嘅餐厅。餐厅环境开扬阔落, 台与台之间都有一定距离, 坐得舒服。【十贯丰州寿司御膳】HK$198定食配有蒸蛋、汤、沙律, 蒸蛋非常香滑, 入口即化, 入面仲有清甜蟹肉同埋虾肉。寿司分别有赤身、池鱼、油甘鱼、墨鱼、鲷鱼、赤虾、鮨乐玉子、太极卷, 每件寿司size都好精致, 刚好一啖一件, 口感软嫩有鲜香, 其中赤虾仲好爽甜, 正!【香煎鹅肝配温泉蛋】HK$138 (定食配有汤、沙律)鹅肝表面煎得微焦, 很有油脂香, 伴有充满蛋汁嘅温泉蛋, 捞埋一齐食, 令饭多一点湿滑。【吉列虾饭卷】HK$55寿司饭包住了紫菜、吉列炸虾, 整件入口仲食到吉列皮嘅香脆同埋虾嘅爽口, 很有层次。【三文鱼寿司盛盒】HK$108集合各款三文鱼嘅组合寿司, 火炙过嘅三文鱼带点焦香同埋渗出些少鱼油, 口感更为柔嫩有鱼香; 另有三文鱼寿司同埋卷物, 呢个盛盒绝对满足三文鱼腔嘅我。上面两款定食跟甜品, 为云呢拿雪糕。