影片
更多
2023-04-21
1842 浏览
长沙湾呢头好嘢食唔少，经常周围食唔同餐种，未必间间值得撰写，除非餐店特别出色，今次呢间新打冷菜馆，门面光猛阔落、平时人流几旺，菜单唔少选择，决定帮衬+十卜新店手机扫code落单，唔使下下打搅到员工，食物上菜速度好快，基本上十至十几分钟左右都到枱，员工服务有礼经常加茶/收碟，呢到既碗碟茶杯都系好传统旧式公鸡🐓样式，增添怀旧风格感觉，半开放式厨房，方便师傅就算内里都兼顾到食客既进度👍🏻👉🏻卤水杂锦拼盘一个杂锦盘满足试晒唔同口味既选择，分别鹅片、鹅肠、鹅肝、豆腐、红肠、蛋，卤水够晒入味，最欣赏系鹅肠，入味之余唔会过轫，其实大大碟而且价位公道百几左右，无论人多人少都几合适开心share👉🏻菠萝咕噜肉由细食到大绝对唔陌生既菠萝咕噜肉，做到外脆内软，食落有少部分火喉味，咕噜肉偏大粒，咬落啖啖肉，比平时食开既偏酸，自己口味上喜酸，呢碟零舍开胃既小菜好岩刺激味雷，今餐咁丰富，开胃醒喉至岩👉🏻冻食乌头好耐冇食潮州乌头喇，以前试过上碟乌头只系肚位𠝹一刀，呢边比较细心系预先开好晒半，起鱼肉十分方便，配上普宁豆浆咸鲜味会再香d，就算唔沽酱就咁食都已够入味，食番本身既鱼味都系享受*原来连乌头都有身分证，尾位牌仔
手机扫code落单，唔使下下打搅到员工，食物上菜速度好快，基本上十至十几分钟左右都到枱，员工服务有礼经常加茶/收碟，呢到既碗碟茶杯都系好传统旧式公鸡🐓样式，增添怀旧风格感觉，半开放式厨房，方便师傅就算内里都兼顾到食客既进度👍🏻
👉🏻卤水杂锦拼盘一个杂锦盘满足试晒唔同口味既选择，分别鹅片、鹅肠、鹅肝、豆腐、红肠、蛋，卤水够晒入味，最欣赏系鹅肠，入味之余唔会过轫，其实大大碟而且价位公道百几左右，无论人多人少都几合适开心share
👉🏻菠萝咕噜肉由细食到大绝对唔陌生既菠萝咕噜肉，做到外脆内软，食落有少部分火喉味，咕噜肉偏大粒，咬落啖啖肉，比平时食开既偏酸，自己口味上喜酸，呢碟零舍开胃既小菜好岩刺激味雷，今餐咁丰富，开胃醒喉至岩
👉🏻冻食乌头好耐冇食潮州乌头喇，以前试过上碟乌头只系肚位𠝹一刀，呢边比较细心系预先开好晒半，起鱼肉十分方便，配上普宁豆浆咸鲜味会再香d，就算唔沽酱就咁食都已够入味，食番本身既鱼味都系享受
*原来连乌头都有身分证，尾位牌仔标示元朗产地乌头，鱼身肥大厚肉，可能呢样就系品质保证之处*
👉🏻蚝仔砂锅粥（例）蚝仔粥有唔同份量就番人数，呢煲例既蚝仔砂锅粥都相当巨，大概3-4位都可满足到，配料十足：蚝仔、干鱿鱼、冬菇碎、姜丝，另外递上葱花、芫荽，蚝仔落咁好多，点捞都总捞到蚝仔，细粒但非常滑嫩，成个粥底砂锅煲到非常鲜甜
👉🏻上汤浸菜心拍蒜、蒜蓉、菇粒加上汤煮浸过既菜心，冧得尼够入味，嫩菜心清甜味道，蒜香为主，食咗咁多肉/粥，配番碟菜
整体来说，位置阔落，除咗有卡位更有大圆枱，少至两三个，多至成围都冇问题，岩晒亲朋戚友/老友团聚，嘢食卖相+佐料配料丰富，餐牌唔少潮州菜名菜，今次一尝佢地首本名陈年卤水、元朗产乌头，不得不赞，下次要带几位好友来叫唔同菜色，脷伸
张贴
