影片
更多
2021-11-24
613 浏览
所谓隐世小店，通常都地点比较唔就脚，较少人知，好易畀人忽略，而越Home 越式料理就几符合我心中隐世小店嘅定义。位置在荃湾香车街街市附近，荃湾广场行去大约5分钟路程，而愉景新城行过去亦只需10分钟路程，但只要你愿意稍移脚步，你会觉得呢间小店绝对物超所值。⠀⠀⠀⠀⠀⠀⠀⠀⠀⠀⠀⠀ ⠀已多次光顾，今次叫嘅系下午茶蒜蓉法包并咖哩猪扒，鸡扒番茄汤檬粉，加点酸辣凤爪。蒜蓉包真系可以见到一小块一小块嘅蒜蓉，纯不欺场，咬落去仲非常香脆，伴上佢嘅浓厚咖哩两块蒜蓉包其实唔系好够喉，下次我会加点额外蒜蓉包。而番茄汤檬正常发挥，但入面嘅小粒番茄同九层塔味道非常鲜明突出，令成个汤变得非常清爽，女生怕咖哩太重口味呢个会非常合适。⠀⠀⠀⠀⠀⠀⠀⠀⠀⠀⠀⠀ ⠀酸辣凤爪就不多说啦，嚟呢度食就系为咗佢，已经喺唔同嘅越泰店舖食过酸辣凤爪，唯有呢间最合我嘅口味，荃湾附近有几间有卖酸辣凤爪嘅店舖，调味都死辣为主，而唯有呢间会比人清爽酸酸辣辣嘅感觉，就算唔饮水都唔会觉得唔舒服。⠀⠀⠀⠀⠀⠀⠀⠀⠀⠀⠀⠀ ⠀而饮品系咸柠七同龙眼冰，咸柠七奉上原个咸柠檬，亦系正常发挥，但龙眼冰嘅龙眼系我饮过咁多间之中最多龙眼嘅，而且可能餐厅后面就系
⠀⠀⠀⠀⠀⠀⠀⠀⠀⠀⠀⠀ ⠀
已多次光顾，今次叫嘅系下午茶蒜蓉法包并咖哩猪扒，鸡扒番茄汤檬粉，加点酸辣凤爪。蒜蓉包真系可以见到一小块一小块嘅蒜蓉，纯不欺场，咬落去仲非常香脆，伴上佢嘅浓厚咖哩两块蒜蓉包其实唔系好够喉，下次我会加点额外蒜蓉包。而番茄汤檬正常发挥，但入面嘅小粒番茄同九层塔味道非常鲜明突出，令成个汤变得非常清爽，女生怕咖哩太重口味呢个会非常合适。
⠀⠀⠀⠀⠀⠀⠀⠀⠀⠀⠀⠀ ⠀
酸辣凤爪就不多说啦，嚟呢度食就系为咗佢，已经喺唔同嘅越泰店舖食过酸辣凤爪，唯有呢间最合我嘅口味，荃湾附近有几间有卖酸辣凤爪嘅店舖，调味都死辣为主，而唯有呢间会比人清爽酸酸辣辣嘅感觉，就算唔饮水都唔会觉得唔舒服。
⠀⠀⠀⠀⠀⠀⠀⠀⠀⠀⠀⠀ ⠀
而饮品系咸柠七同龙眼冰，咸柠七奉上原个咸柠檬，亦系正常发挥，但龙眼冰嘅龙眼系我饮过咁多间之中最多龙眼嘅，而且可能餐厅后面就系街市嘅关系，龙眼新鲜甜美，唔系某啲越泰餐厅用桂圆浸发就当龙眼冰，饮完满满有滋润嘅感觉，不过而家天气渐凉，下次可能试下热饮先。
⠀⠀⠀⠀⠀⠀⠀⠀⠀⠀⠀⠀ ⠀
越Home 越式料理虽为街坊小店，但其实我多次光顾都客满盈门，如果你已经厌倦了周围嘅连锁食店，不妨多走几步，去一试小店嘅魅力。
张贴
