一日三餐 (已結業)

「黄店一定唔好食」呢个定律可以俾一日三餐打破，好食！值得排队支持！下午2点半左右，下午茶时段舖头外面有2-3个人排队，等咗10分钟左右。入店要乖乖填纸仔，为咗唔好令黄店难做，记得要填返全名及两面纸仔都要填晒啊。下午茶餐福建炒饭配冻柠茶少甜（$48）首先赞吓个柠檬茶，小甜控制得非常好，而且茶味好出好香浓，但又唔会有苦涩味。柠檬新鲜清香，成杯柠檬茶都好清新。福建炒饭系预期中下午茶分量，我唔算好大份刚刚好。福建炒饭个精粹系汁底，呢到嘅汁底分量刚刚好，唔会太多浸到个饭淋晒，亦唔会太少唔够捞饭。配料都好多，中Size嘅虾仁都有2只，大量嘅元贝仔，仲有好多菇类同翠肉瓜。虾仁劲爽口，入口索索声。埋单$48，又饱又满足。