豚本家 (已結業)

平时好少会打评价，除非间餐厅质素奇差或者极好，豚本家属于后者。食物质素几好，价钱正常，而家香港食饭呢个价钱不过不失，最值得一提的是员工的服务态度非常好！由落单、上菜、收银三个唔同的员工都好好招呼，我地叫左个烧牛肉定食，唔系好识烧搞到痴哂底，员工主动过来(我地坐最入面位置)话俾我地知应该点烧才是对的同埋换个新铁板俾我地。之后见我地食完就好快来收野，以为催我地交枱(香港饮食业文化系咁….分秒必争)，但系佢叫我地慢慢坐，跟住饮埋杯野就去埋单啦，原来出面其实系有人等紧位既，呢一点真系抵赞👍🏻👍🏻 到埋单收银员亦满面笑容问我地用餐感想，令我一度以为我唔系身处香港😆😆 我想讲香港咁既市道大家应该要好好珍惜呢d咁有心做既餐厅，所以专登上来打咁多字。