酒鍋 (天文臺道) (已結業)

同事今日升职请食饭，带我地几个去公司附近食酒锅。今餐食完绝对颠覆你我对火锅店的想像!!!一埋位个侍应就介绍我地叫「酒火入锅」，事关佢呢个锅有好多款口味，岩晒我地多人试唔同口味，而且都几有特色，出面少有。例如: 蕃茄波士顿龙虾火锅真系第一次见，平时成日食但无谂过会打边炉既清汤萝卜牛腩锅; 同埋仲有最大路既四川麻辣锅及潮州沙嗲锅。一碟卖相好靓嘅挂架顶级安格斯牛小排，望落去就知道系高质素啦！并唔系坊间外面𠮶啲合成肥牛。一入口就牛味浓，又唔膻，每一片都好大块，真系好正呀！我同事对呢盘肥牛赞不绝口，仲要赞咗几日添😂真系好睇又好食😋钟意食向铃嘅我哋，第一时间就嗌咗个即炸手工双层芝士汉堡味向铃卷，可以吸收汤底嘅味道，格外入味好食。橙红色珊瑚蚌好鲜艳，爽口弹牙，带海水鲜味。手打墨鱼丸唔会有雪味，比起平时食到嘅更加弹牙。芝士竹轮卷真系食完一件又想再食多件毛肚确是很爽口，爽脆可口好有水准👍仲有啲头肥鹅肠，够哂肥美，索左汤又烟烟韧韧咁，真系几架食😋