影片
更多
2024-01-07
127 浏览
无谂过唱K嘅地方都会诱使到我写食评，原因真系啲嘢食太高质，拍得住出去食西餐厅 话说圣诞新年长假我哋，因为之前太忙都冇计划到飞，咁喺香港都要有返啲仪式感。睇完叱咤之后就不停喺度唱轩公，另一半就提议不如去唱K啦，可以唱饱佢，唔使喺屋企对住支花洒唱 一去到店员好好服务介绍我哋食咩，同埋门口仲有个最红抢钱机玩游戏，好似话会有现金jackpot店员介绍我哋食呢个节日二人餐，$568有三个course加特饮，当然已经包埋两个人唱足两个钟。我地好好彩被安排咗系间好有空间感嘅大房，梳化座好舒服连飞镖机都有当然最正系有个独立厕所，比以前嘅印象感觉干净好多，又唔使成日出房。先嚟两杯肥仔水，而家呢度嘅台式饮品连芋泥都系自家制，好有诚意 睇到层粉紫色嘅芋泥喺杯底份量都唔少，味道系真实嘅芋头味唔系syrup。奶茶同抹茶牛乳各有特色，虽然冇得少甜，但系味道都唔会过甜。唱咗阵歌，头盘同主菜同时上，份量大到哗咗声，三四个人都够食先有超creamy嘅鹅肝多士，煎到有脆边㗎好甘香。 另外炸芝士春卷够晒热，唔会食到成口油，绝对系外脆内软，个春卷皮够薄。酸辣海蜇爽口得来够惹味，份量都唔少。仲有沙嗲鸡串，腌得好入味煮食方面有半
一去到店员好好服务介绍我哋食咩，同埋门口仲有个最红抢钱机玩游戏，好似话会有现金jackpot
店员介绍我哋食呢个节日二人餐，$568有三个course加特饮，当然已经包埋两个人唱足两个钟。我地好好彩被安排咗系间好有空间感嘅大房，梳化座好舒服
连飞镖机都有
当然最正系有个独立厕所，比以前嘅印象感觉干净好多，又唔使成日出房。
先嚟两杯肥仔水，而家呢度嘅台式饮品连芋泥都系自家制，好有诚意 睇到层粉紫色嘅芋泥喺杯底份量都唔少，味道系真实嘅芋头味唔系syrup。奶茶同抹茶牛乳各有特色，虽然冇得少甜，但系味道都唔会过甜。
厚芋泥奶茶 (左); 抹茶芋泥牛乳 (右)
$58
1 浏览
0 赞好
0 留言
唱咗阵歌，头盘同主菜同时上，份量大到哗咗声，三四个人都够食
先有超creamy嘅鹅肝多士，煎到有脆边㗎好甘香。 另外炸芝士春卷够晒热，唔会食到成口油，绝对系外脆内软，个春卷皮够薄。
酸辣海蜇爽口得来够惹味，份量都唔少。仲有沙嗲鸡串，腌得好入味
煮食方面有半只烧春鸡，皮光肉滑，欣赏佢烧到个皮香脆得来又够薄，入面肉质仍然嫩滑 个豆角泰式炒饭都几惹味，仲要系用珍珠米够晒有咬口。
炸软壳蟹粉浆一样唔会太厚，仲有蟹嘅鲜味，加埋三只爽口大虾，唔使自己剥壳，唱住K食够方便。炒意粉有咸蛋黄加持，质感啱啱好唔会太淋身，令人忍唔住一啖接一啖咁食
仲有三旧吉列炸明太子芝士，爆哂浆非常邪恶
食到劲饱估唔到仲有甜品，系新鲜即叫即整，咁样鸡蛋仔同窝夫先会够香脆。个粉浆较得几好，蛋味浓郁，配洒上曲奇碎嘅云呢拿雪糕同埋香甜士多啤梨，多元化得嚟口感丰富，即使食到好饱都清晒碟
Red Mr不嬲都比同类型嘅唱K地方嘅野食高质，不过另一间以数量取胜嘅对手已不复存在。而疫情后好多野包括消费模式都变咗，而家呢间嘅分店都唔多了，希望唔会演变成净系我地呢代嘅回忆啦。
张贴
