碧士文 (東利商業大廈)

营业中

休息中

食过两次之后决定上黎比个好评支持下佢，一次系午餐外卖一次系晚餐堂食。大家会唔会已经比茶餐厅嘅猪扒颓饭洗左脑，遗忘左猪扒都可以好好食？焗芝士咖哩猪扒饭(外卖冇影相)厚切猪扒松化得来有咬口，唔系腌到无晒弹性果种，系腌得入味，有香茅味而唔咸，咖哩汁同饭嘅比例亦啱啱好。葱油猪扒饭(堂食)猪扒质素同上。单层猪柳汉堡(堂食)个包系烘到脆面，猪扒好 juicy，生菜系好脆好新鲜嘅一叠，唔系㶶边梅dum dum 嘅两片。手打猪肉丸两次都有食，大粒过乒乓波，其实食完三粒已经好饱，味道好丰富有啲香料味，唔系死死实实一旧。