隱啡

营业中

休息中

黎到聖誕節的最後一日假期，唔想白白咁渡過，於是決定出去飲杯咖啡。一直都好想可以喺屯門搵到一間心儀既咖啡店，比我放假去發下吽豆，結果上網一搵，隱啡? 見個名幾得意就決定去。初初見到既地址係喺工業區內的，覺得奇怪但都照上去，上到去先發現唔對路，所以打電話查問，原來工廠區內的唔係比人飲咖啡，主要係比人上堂學咖啡。摸完門釘更加覺得唔憤氣，結果終於來到，就喺何褔堂輕鐵站對面。如果由新墟街市過條天橋都可以到，大懸戈5-10分鐘步程，都唔算太隔涉。 入到去都坐左幾多人，我自己一個人就坐左單丁位置，面對住店員整咖啡的角度，就問店員有沒有什麼推介，想要特別一點的，結果佢介紹我有薑同埋蜜糖味既咖啡，咖啡黎到見到除左拉花之外，上面仲有少許桂花瓣，美得黎飲落有少少桂花香，我的確幾鐘意。另外再柯打左一件藍莓muffin，自家製的，味道都唔錯！期間店員不時有同客人互動，講解對咖啡的認識，仲有關心我對佢介紹既咖啡有咩意見，感覺好有誠意！翻chap機會很高，值得支持，下次放假都可以黎坐下放下空！