金園茶餐廳

营业中

休息中

金园依个名对于住系长沙湾嘅人嚟讲系一个耳孰能详，成日都会帮衬嘅一间茶餐厅嚟。近日因为FB嘅香港蛋挞关注组嘅热捧，唔止长沙湾居民，全港喜爱食蛋挞嘅人都拥埋嚟依间地区小店，作为一个系当区返工，帮衬咗佢超过10年嘅食客，讲真，食过佢同同区嘅另一间金华嘅蛋挞真系食唔返转头，迟啲会再讲下金华，今日主要就系讲下依间系香港蛋挞关注组排名第一嘅金园佢哋出品嘅蛋挞有几咁好食。先讲讲佢嘅卖相，其实斋睇样你就知佢无得输，酥皮 - 底厚多层，原因店家系用两种唔同嘅皮底，外层焗得较硬身及做得酥脆，内层脆口，咬落有层次，加上皮底系加猪油，食落好香口得嚟又完会唔会抢走蛋香，重食得到酥皮香味添。之于佢嘅蛋味唔系太甜果只，主要食其蛋香，焗得胀卜卜刚刚好，同佢嘅酥好皮底好夹，两者平衡做得非常好，食落完全唔油腻，食完好满足。作为一个作成咗名嘅店，佢哋嘅服务无变差到不特止，重KEEP得到果种街坊铺嘅亲切感，无加价，就算你堂食净系食件蛋挞佢都系咁欢迎你。抵老板娘您发嘅。