影片
更多
2022-12-27
115 浏览
依间bookmark左好耐，经常性都full booking，今次提早成个月终于book到。冇错，佢就系位于元朗嘅元祖级omakase《寿司之神》，我地系一个平日既中午去食，无谂过都系满座，可见佢受欢迎嘅程度有几高，位置唔多，但当日都有三个师傅，各自负责自己嘅客人，见我哋食完一道就马上安排另一道菜，整体来讲都是omakase 的不错选择，位置虽然位于元朗，但绝对值得去一试！好多菜式都火炙，亦都有特别部位，较为出色或者我自己比较钟意既有吞拿鱼手卷，吞拿鱼鲛，右口鱼边 ，吞手鱼脑天等！Lunch set总共有3个级数，我就拣左特上お任せ膳 $780前菜首先前菜有和风沙律、水云醋物同埋松露蒸蛋。最特别一定系水云醋物，口感有啲似昆布，酸度刚刚好。刺身4品兵库县真蚝兵库县出产蚝味较浓，蚝身饱满又鲜甜。加入金箔同埋酸汁啫喱，矜贵又带鲜味。赤贝赤贝色泽红润亮丽好鲜甜，有爽滑弹牙口感中间较软滑火炙鳕鱼白子平时食开都系生食，佢地就加左日式酱汁再火炙，外层会有焦香味，内层又有忌廉奶油口感。𫚕鱼鱼味同埋油份比较重嘅鱼类，微微火炙一下，鱼皮下面嘅鱼脂会散发出嚟，，另外再放上柚子胡椒，带少少辛辣嘅感觉。料理1品
Lunch set总共有3个级数，我就拣左特上お任せ膳 $780
前菜
首先前菜有和风沙律、水云醋物同埋松露蒸蛋。最特别一定系水云醋物，口感有啲似昆布，酸度刚刚好。
刺身4品
兵库县真蚝
兵库县出产蚝味较浓，蚝身饱满又鲜甜。加入金箔同埋酸汁啫喱，矜贵又带鲜味。
赤贝
赤贝色泽红润亮丽好鲜甜，有爽滑弹牙口感中间较软滑
火炙鳕鱼白子
平时食开都系生食，佢地就加左日式酱汁再火炙，外层会有焦香味，内层又有忌廉奶油口感。
𫚕鱼
鱼味同埋油份比较重嘅鱼类，微微火炙一下，鱼皮下面嘅鱼脂会散发出嚟，，另外再放上柚子胡椒，带少少辛辣嘅感觉。
料理1品
汁煮吞拿鱼鲛
用左日式豉油、味醂、糖连埋鱼鳞同埋鱼骨一齐煮。食戈时好轻易就可以分开鱼肉，食落甜甜地。因为鱼脂多，入口软腍。
寿司8贯
北海道帆立贝
颜色雪白，上面加入岩盐同埋柚子皮，食落非常鲜甜。
深海池鱼
轻轻火炙，鱼脂同埋鱼肉味都比较浓。
鲛鲽鱼
师传特别切开鱼边火炙再加埋之前嘅鲛鲽鱼一齐食，两种味道好丰富。
甜虾
甜虾上面涂上虾酱，虾酱用左虾头虾壳煮成，鲜味瞬间提升。
吞拿鱼手卷
同时间用左中拖罗同埋酱油渍赤身，两者有互补嘅作用。因为赤身油份唔多，但中拖罗就油脂丰富，真系一个好巧妙嘅设计。
大拖罗
用左产量稀少嘅蛇腹，加入岩盐同埋柠檬汁 ，入口即溶，同时柠檬汁可以减低油腻感，食落好清爽。
吞手鱼脑天
又系另一个稀少嘅部位，一条吞拿鱼得一小块系个头上面。用左火炙嘅方式，油脂味极浓又入口即溶。
右口鱼边
先用酱油轻微腌制，再用火枪长时间炙烧，期间释出大量嘅鱼鮨，系味道相对较浓嘅寿司。相对来讲比左口鱼更加多油脂！滴晒油咁劲香！
海胆三文鱼籽丼
海胆非常鲜甜份量亦都很多，三文鱼籽经过腌渍，海水嘅咸香味会升级，整体鲜甜。
面豉汤
甜品
是日甜品系柚子啫喱，食落清新又解腻，好满足嘅一餐。
✨人均780午市
如果唔想错过其他好介绍，记得follow我呀😘
多谢大家！！！
♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝ ⃝♡⃝♡⃝♡⃝♡⃝♡⃝
张贴
