Verde MAR (已結業)

西營盤一帶有好多唔同國家嘅小食店，水街41號舖有一間牛油果出名嘅Verde Mar，主攻墨西哥菜的西餐廳，我覺得好，因為老闆是好用心製作，同埋選用一啲新鮮嘅食材。前菜揀咗個墨西哥酥餅，因為係即叫即整，所以非常好食，塊餅暖暖哋夾住雞肉蕃茄水牛芝士蔬菜，可以點辣汁吃，個人認為好適合中國人嘅口味，芝士多到可以拉絲，唔錯。兩個人揀咗個主菜墨西哥海鮮飯，朋友話好食過其他餐廳的海鮮飯，佢嘅飯唔會太濕身，但係啲海鮮就非常鮮甜，肯定係優質的食材，尤其係啲蝦，鮮甜唔腥。青口份量好多，又有好多墨魚仔，八爪魚，還有蠔🦪同埋大粒嘅八爪魚粒🐙⋯⋯so yummy☺️飲品叫了avocado smoothie真係非常香滑淡淡的牛油果味，好清新健康。朋友叫了Flamingo ，鮮艷嘅紅色，甜甜酸酸，有一種好特別嘅味道。開胃又大杯，價錢不貴👍🏻店舖雖然唔係好大，佢有種寧靜舒適嘅文青感覺，而且仲有好多仙人掌喺外面，環境真係唔錯。