Club Albergue 1601 (已結業)

阿女生日唔得闲，所以提早一日同佢食午餐，佢钟意食牛扒，所以特登嚟时代广场呢间超好评的餐厅试下。虽然排队排了45分钟才入到去，餐厅座位宽敞舒适，枱与杉之间有一定的距离，就算倾计都唔怕俾隔篱枱听到。一坐低，点了两个套餐再加两份小食。一份虎虾北海道带子意大利饭， 虎虾占了全碟三分一超级大只，而且爽口弹牙，带子就煎得嫩滑鲜甜，最正系碟意大利饭，软硬适中吸收咗秘制的酱计，非常之野味好食，可惜饭的份量太少，薄薄的一层，三扒两拨已经冇晒。叫了一份炭烧美国顶级肉眼扒10安士，三成熟超大份，牛味香浓，有肉汁，入口即化，点上少少海盐，吃出牛肉的鲜味。两份套餐还跟了番茄杂菜汤，比起其他餐厅，煮得比较浓杰，甜酸适中唔错。仲有一大碟沙律菜，淋上黑醋同食，甜酸开胃。蒜蓉包普普通通，一般的牛油蒜蓉包，不太突出。黑松露咸蛋黄薯条，从松露味不突出，反而极香咸蛋黄，食落香脆咸香，要嚟配返杯啤酒，应该都唔错。