長洲平記

营业中

休息中

正所谓阿婆走得快一定有古怪，铺头门口咁多人排队，仲唔系有好嘢！本来系想去试焦糖芝士雪糕挞，但见前面好多人都买芒果糯米糍，咁一于试埋啦！焦糖芝士雪糕挞：焦糖只系个外表，完全冇焦糖味。芝士味唔系十分浓，但雪糕配埋酥皮挞嘅配搭十分好。芒果糯米糍真系一绝，唔怪得吸引到咁多人排队都要买。皮好薄，而且唔会有好重嘅粉味，芒果好甜，成个糯米糍都好大只，买咗六个拎走都觉得买得太少。见到前面嘅人买左白色嘅沙冰，系椰子沙冰！佢有个朵叫巨无霸椰子沙冰，我以为只系名嚟嘅啫，点知系杯椰子沙冰真系好大杯！ 两个人饮咗好耐，饮到连餐正餐都食完都未饮得完，不过略嫌有一啲甜，但个沙冰好滑，质感好好。