鵝公館

营业中

休息中

今晚我们行过深水埗汝州街见到有超多人排队等候，所以我们就好奇去睇吓系卖啲咩！原来系间卤水鹅专卖店，再抬头望吓店名招牌叫「鹅公馆」，感觉都几特别，所以我们就决定入去食晚饭！他们系做外卖为主，所以店内嘅坐位唔算太多！我们叫咗卤水鹅头颈系店员同我们推介，因由细到大都无食过鹅头同鹅颈，今次系第一次食，食落就觉得鹅头个冠相当软腍腍，鹅颈嘅肉质特别鲜嫩，肉味亦相当浓郁，真系超好味呀，系本人嘅必食推介！今次食改变咗我们一直唔食鹅头同鹅颈嘅错误想法！卤水鹅嘅肉质非常鲜嫩，鹅味相当香浓！一碟拼盘有：卤水鹅肾唔系好似平日食开嘅鸡肾咁硬，质感相当爽滑弹牙，卤水鹅肠好爽滑，卤水靓墨鱼好鲜味，而且好有咬口，猪耳非常爽口脆身，豆腐嘅外层唔会好硬身，入面嘅豆腐相当嫩滑！酸菜相当爽甜，味道唔会好咸，我们可以一口气食晒一碟酸菜！老火例汤煲得火候十足，而且非常足料，汤底嘅味道好清甜香浓！总括：所有卤水食物都卤得好入味，唔会卤得过韧，味道亦唔会过咸！另外值得一赞嘅系师傅嘅刀功相当了得，每一片都切得非常均匀同薄身，唔会一片厚一片薄！